“… ‘n dwase man wat sy huis op die sand gebou het …”
(Matt. 7:26, OAV)
Om laaste gedagtes te wissel rondom die mite van ‘n eenwêreldregering waaroor in die laaste Manna geskryf is.
Wikipedia definieer dit soos volg: “World government is the notion of a common political authority for all of humanity, yielding a global government and a single state that exercises authority over the entire Earth.” Uiteraard is dit waar dat daar (dikwels geheime) organisasies is wat hul daarvoor beywer, en dit was nog altyd so gewees. Tans word die Verenigde Nasies se dokument Agenda 2030 oral voorgehou as die sinistêre plan om deur ‘n sosialistiese groen-bewustheid en opvoedkundige proses hierdie beheer uit te oefen. Dit kan so wees. Benewens dié beheergroep is daar talle ander, ook inividue en families wat droom daarvan om die wéreld te beheer, sê maar die Rockefellers. Hierdie strewe wás altyd daar, sedert die toring van Babel, en dit sal helaas altyd so wees. Maar vandag steeds rig dié misinformasie en opspraakwekkende inligting die lewens van baie misleide gelowiges.
Net as voorbeeld, hierdie aanhaling uit die wyd-geleeste webwerf Gotquestions. Hulle word die vraag gevra: “Does the Bible prophesy a one-world government and a one-world currency in the end times?” Die antwoord hierop is soos volg: “The Bible does not use the phrase ‘one-world government’ or ‘one-world currency’ in referring to the end times. It does, however, provide ample evidence to enable us to draw the conclusion that both will exist under the rule of the Antichrist in the last days. / In his apocalyptic vision in the Book of Revelation, the Apostle John sees the ‘beast,’ also called the Antichrist, rising out of the sea having seven heads and ten horns (Revelation 13:1). Combining this vision with Daniel’s similar one (Daniel 7:16-24), we can conclude that some sort of world system will be inaugurated by the beast, the most powerful ‘horn,’ who will defeat the other nine and will begin to wage war against Christians. The ten-nation confederacy is also seen in Daniel’s image of the statue in Daniel 2:41-42, where he pictures the final world government consisting of ten entities represented by the ten toes of the statue. Whoever the ten are and however they come to power, Scripture is clear that the beast will either destroy them or reduce their power to nothing more than figureheads. In the end, they will do his bidding.” (https://www.gotquestions.org/one-world-government.html).
Omdat hierdie mite van ‘n eenwêreldregering gegrond is op vals eietydse én historiese profesieë, ‘n verkeerde lees van die Bybel, ‘n onsekerheid oor wie werklik die vyand en die dief (Joh. 10:10) is, en ‘n gebrek aan onderskeiding om gerugte deur die Gees van God te laat toets, asook ‘n totale misverstaan van die profetiese boeke Daniël en Openbaring, veroorsaak dit wydverspreide paranoia en misleiding. Baie bedieninge wat daarop fokus en dit propageer, is derhalwe op sand gebou (Matt. 7:26), en die profete wat dit verkondig noodwendig valse profete (2 Pet. 2:1; 1 Joh. 4:1).
- Sela: Maak vir jouself uit wat presies jy (nog) glo oor die sogenaamde eindtyd.
- Lees: 1-3
- Memoriseer: 1:17
- Delf dieper: Luister na Tom Gouws se cd-lering: Om die Aarde te Beërwe – Die Leer van die Eindtyd
