“… the whole in Him combine …”
(Kol. 1:17, ABP)
Miskien is dit net nodig om ter aanvang te sê dat Mannalesers moet onthou ons is tans oorkoepelend besig om te probeer uitvind hoe die sesde koninkryk in Nebukadnésar se droom gestalte op aarde verkry. Hierdie koninkryk, die koninkryk van Christus, bring ‘n einde aan die vyf voorafgaande aardse koninkryke, en skep ‘n totale nuwe bedeling. Om te verstaan hoe daardie koninkryk gaan wees en om die funksionering daar beter te probeer verstaan, is ons besig om in die voortyd te gaan delf, en ons poog om Skriftuurlik te bepaal wat gebeur het. Hierdie misterie vereis dat ons met ander oë kyk en lees, en die ingrypende apokalupsis van die nuwe lewe in Christus sodoende beter verstaan. Dit behels onder meer dat ons meer sal weet waarvandaan ons uitgeval het uit die ewigheid (Op. 2:5), en dat ons as die Bruid sal verstaan wat die eerste werke is wat ons voor die grondlegging van die aarde geroep is om te vervul. Ons moet verstaan, in Jesus se woorde, van waar ons kom en waarheen ons gaan (Joh. 8:14).
Dus – om te begryp wat in die toekoms voorlê, moet ons terugkeer na die voortyd, en dalk sluit die een by die ander aan, sodat ons perdalks kan hervat waar alles ná die sondeval verkeerd geloop het. Dit beteken ook dat ons ‘n beter verstaan moet verkry van Adam, wat “gemaak is na die gelykenis van God” (Gen. 5:1), maar wat nes ons die verbond met God verbreek het (Hos. 6:7). Ons moet nog probeer bepaal wat die status van die gevalle Bruid in die voortyd is.
Een van die slotsomme van die vorige Mannas was dat die begrip “beginne” geensins met beginpunte gelykgestel kan word nie. Alles van die natuurlike wêreld wil ons natuurlikerwys koppel aan ‘n konkrete aanvangspunt wat in tyd en ruimte gedetermineer is. Maar, wanneer ons geestelik na dinge begin kyk, moet ons perspektief radikaal verander – “die natuurlike mens neem die dinge van die Gees van God nie aan nie; want dit is vir hom dwaasheid, en hy kan dit nie verstaan nie, omdat dit geestelik beoordeel word” (1 Kor. 2:14). ‘n Geestelike perspektief verbreed en transendeer verseker byna elke menslike oortuiging en idee; dit kan indring in die onsienlike en ‘n verstaan bied buite om alle natuurlike beperkinge en wetmatighede. Die natuurlike mens, al is hulle gelowig, “their minds are feeding on earthly things” (Fil. 3:19, WMSNT), of soos YLT dit uitsonderlik raak stel: “who the things on earth are minding”.
Wanneer ons geestelik “diep insien” (Jak. 1:25) in “die dinge van God” (Matt. 16:23), is een van die allereerste dinge wat ons insien, die Beginne! Dit kan nie anders nie, want in Op. 3:14 word Jesus genoem op sy Naam Amen, en word Hy voorts gekenskets as “die getroue en waaragtige Getuie, die begin(ne) van die skepping van God”.
Ons herken Iemand wat Homself voorstel as die Beginne, wat die profeet Daniël genoem het die “Ancient of Days” (Dan. 7:9, CAB), en vir ons in Op. 1:17 baie dieselfde voorgehou word as “die Eerste en die Laaste”. ‘n Paar verse voor dit word Hy genoem: “Een soos die Seun van die mens” (vers 13), in besonderhede soortgelyk aan die beskrywing soos in Daniël.
Hy is dus nie net die Beginne en die Eindes nie, maar as ’t ware ook die tussen-in – “in Hom hou alle dinge stand” (Kol. 1:17). In der waarheid, met ons nuwe verstaan van die parousia, kan ons gemaklik praat van Hom as “The Coming One” (Heb. 10:37, Rotherham), duidelik in ‘n continuous tense. Dit is dus onteenseglik so dat IN HOM alles geskied – “in Hom lewe ons, beweeg ons en is ons” (Hand. 17:28). In Kol. 1:16 word Jesus as die Lewensbeginsel van alle dinge deur vier pertinente voorsetsels verduidelik: “in Hom [Grk. en, “in”] is alle dinge geskape wat in die hemele en op die aarde is, wat sienlik en onsienlik is, trone sowel as heerskappye en owerhede en magte—alle dinge is deur Hom [Grk. dia, “through”] en tot Hom [Grk. eis, “into”] geskape.” LET OP: Hy is “into” alle dinge! Daarbenewens dan, soos vers 17 sê: “Hy is voor [Grk. pro, “in front of”] alle dinge” – ja, “in Hom hou alle dinge stand”, “the whole in Him combine” (ABP), “all things … cohere, are held together” (AMP), letterlik “subsist” (LITV).
Jesus is veel meer as ons armoedige persepsie of denkparadigma van Hom – Hy is waarlik die Lewensbeginsel, of soos Rom. 8:2 Hom benoem: Hy beliggaam of bevat “die wet van die Gees van die lewe”. Die woordjie “wet” (nomos) kan veel beter hier uit die beskrywende Grieks voorgehou word as “to parcel out, especially food or grazing” (Thayer). Ook jy het jou onderdeel van die spesifieke lewe, jou persoonlike mannabrokstuk-identiteit van Hom ontvang. Op ‘n persoonlike vlak moet jy dan ook besef, soos Kol. 2:10 (MKJV) dit uitspel: “you are complete in Him”. Benewens die feit dat alle dinge deur die lewensbeginsel van die Logos-identiteit van God bestaan, het ons in Christus boonop die voorplantingsvermoë van hierdie uitsonderlike Lewensbeginsel van God IN ONS.
Dus – UIT Hom kom alle dinge. Omdat alle dinge UIT Hom kom, Hy wat die Lig is (Joh. 8:12), is alles wat nie Hy is nie, duister(nis). Alles wat buite Hom is, IS die duisternis. Daarom kan Paulus in Ef. 5:8 dit onomwonde verklaar: “vroeër was julle duisternis”. Let wel – nie soos die duisternis nie, nie net wesens wat die duisternis gedra of bevat het nie – ONS WAS DIE DUISTERNIS. Alles het in duister(nis) gewoon of bestaan, selfs vandag nog. As enigiets die Lig verlaat, woon dit in die donker en die skaduland, soos dit met die gevalle Adam die geval was.
Die mens se denkfunksie kan soms die indruk skep dat dit “verlig” is, of die lig laat kom, maar dit is dikwels ‘n verwarde verstaan van “verligte oë van die verstand” (Ef. 1:18). In Matt. 6:22-23 verduidelik Jesus dit soos volg: “Die lamp van die liggaam is die oog. As jou oog dan reg is, sal jou hele liggaam verlig wees. Maar as jou oog verkeerd is, sal jou hele liggaam donker wees. As dan die lig in jou donkerheid is, hoe groot is die donkerheid nie!”
Die woordjie vir “boos” (evil) in Grieks is ponēros, wat volgens Thayer onder andere beteken: “diseased, blind”, en volgens Strong: “degeneracy from original virtue”.
Maar die mens en die aarde waaruit hy geskape is, was nie bedoel om vir ewig in duisternis te bly nie. Die hoop wat in Rom. 11:36 gesetel is, verduidelik hierdie Goddelike plan van Hom “wat julle uit die duisternis geroep het tot sy wonderbare lig” (1 Pet. 2:9). Ons lees in hierdie vers: “Want uit Hom en deur Hom en tot Hom is alle dinge …”:
- Allereers – alles het uit Hom gekom.
- Vervolgens – alles gaan deur Hom (met ander woorde: deur Sy lewe, deur Sy lyding, deur Sy vernedering, deur Sy vreugde, deur Sy verlies, deur Sy kruis, deur Sy opstanding, deur Sy verheerliking, en so meer). Hy is by uitstek die Patroonseun, die Somtotaal, die Voorbeeld, die Voorloper, die Prototipe.
- Laastens – alles sal weer tot (“into”– Strong; “in” – DRB) Christus herstel word (Matt. 17:11; Hand. 3:21).
Die Message parafraseer Rom. 11:36 aforisties raak – “Everything comes from him; Everything happens through him; Everything ends up in him.” Om jou oorsprong beter te verstaan, sal jou jou roeping (“destiny”) beter laat begryp. Volgens die wet van sirkulariteit (Pred. 1:5-7) sal alles uiteindelik weer by sy beginpunt uitkom. Die Amplified hou die bostaande vers soos volg voor: “all things center in and tend to CONSUMMATE AND TO END IN HIM”.
In Hom was die ganse skepping ‘n harmonieuse geheel, sonder enige dissonante noot. Dit was ‘n geestelike realiteit wat gevibreer het met onuitspreeklike heerlikheid, ‘n triomfantlike meesterstuk van dinamiese akkoord. In daardie heerlike geheel van beginne was daar nét seuns van God – die môresterre het saam gejubel en al die seuns van God het saam gejuig (Job 38:7)! Daar was geen spoor van sonde, geen boosheid, geen donker, geen natuurlike denke, geen teenstander, geen siekte, geen verval, geen hartseer, geen dood nie.
In Gen. 2:4-5 word belangrike inligting gebied oor ‘n paar sake (ter wille van duidelikheid gebruik ons die KJV): “These are the generations of the heavens and of the earth when they were created, in the day that the LORD God made the earth and the heavens, And every plant of the field before it was in the earth, and every herb of the field before it grew: for the LORD God had not caused it to rain upon the earth, and there was not a man to till the ground.” Net ‘n paar opmerkings:
- Die woordjie “generations” word in DBY vertaal as “the histories of the heavens and the earth”. JUB noem dit “the origins”, Rotherham “the geneses” en YLT as: “These are births of the heavens and of the earth in their being prepared …” Let op die meervoudsvorm.
- Dit het alles gebeur “in the day” (enkelvoud), alhoewel daar volgens die Gen. 1-verslag verskeie dae (meervoud) verloop het. Dit beteken dat die verskillende episodes of beginne in een dag (EN DIT IS VANDAG) plaasgevind het. Die definisie van “vandag” word eenvoudig uitgespel deur Gen. 1:4-5: “En God het skeiding gemaak tussen die lig en die duisternis; en God het die lig dag genoem …” Dag = vandag!
- Die begrip vandag het derhalwe niks met tyd uit te waai nie, en is nie ‘n 24-uurperiode nie – die Bybel definieer vandag as LIG! (Hierdie ontsaglik belangrike openbaring is nie myne nie, maar het God vir my seun, Daniël Gouws, gegee.) In hierdie lig (!) beteken dit dat al die Skrifgedeeltes oor die belangrikheid van “vandag” gekoppel moet word aan die feit dat jy IN DIE LIG is/wandel/beweeg. Dit is wat ons hierbo ook uitgespel het – alles wat nie IN Hom is nie, is in die duisternis. Jou bestaan in Christus is uiteraard vandag, en dit beteken dat jy in die lig is. Ons verwys nie na die lig van die son of kunsmatige lig of wat ook al nie, maar “die waaragtige lig” (Joh. 1:9). Daarom sê Jesus in Joh. 8:12 – “wie My volg, sal sekerlik nie in die duisternis wandel nie, maar sal die lig van die lewe hê”. En onthou Ef. 5:8 hierbo – “vroeër was julle duisternis, maar nou is julle lig”. Ons het die onstuitbare hoop van 1 Joh. 2:8 – “die duisternis gaan verby en die waaragtige lig skyn alreeds”.
- ‘n Mens is geneig om dit mis te lees, maar let op die volgende: “And every plant of the field before it was in the earth, and every herb of the field before it grew: for the LORD God had not caused it to rain upon the earth [yet], and there was not [yet] a man to till the ground …” In die saadplot van die hemele en die aarde was daar in die Beginne reeds die totaliteit van die oes – die saad was daar, die grasspruitjies was daar, die plante was daar, die bome was daar! Dit wat volgens die skeppingsakte op die derde dag plaasgevind het, was in saadvorm reeds in die hemele en in die aarde ingeskape! Geen plant kan lewe sonder die son se werking om bladgroen te skep nie, of sonder water nie, tog bestaan al die plante en bome sonder die essensiële elemente – dus was die son en die reën óók daar! Voor dit fisies bestaan het, het dit geestelik bestaan. Hierdie wetmatigheid is onteenseglik ‘n waarmerk van Wonderbaar! God in Jesus die Christus maak die dode lewend en roep die dinge wat nie bestaan nie, asof hulle bestaan (Rom. 4:17).
Daar is ‘n tyd vir alles, want God het die detail van die ewigheid reeds in ons harte ingeskryf (Pred. 3:11). “TO EVERYTHING there is a season (kairos), and a time (chronos) for every matter or purpose under heaven.” ( (Pred. 3:1, AMP; ABP).
- Sela: Die ABP verklaar “season” as kairos en “time” as chronos. Wat sou dit beteken?
- Lees: 2 Kor. 7-13; Gal. 1-2
- Memoriseer: 2:20
- Delf dieper: Luister na die cd-lering van Tom Gouws: Die Geheimenis van Tyd en Ewigheid
