“Tot riviere splyt U die aarde.”
(Hab. 3:9, OAV)
Een van die groot geheimenisse van die laaste reformasie is dat Jesus teruggekeer het as die Heilige Gees, en dat ons met Pinkster ervaar het hoe Hy Homself uitgegiet het op die aarde op en in mense. Ons lees in Hand. 2:33 dat Jesus Homself as Gees uitgestort het. Dit is deur hierdie water uit die gelowige se binneste dat lewende water oor die aarde kan kom.
Uiteraard is die kosmos gevul met alle manifestasies en vorme van water, maar ‘n rivier is ‘n aktiewe geleiding van gekonsentreerde wateraksie. Alhoewel die ganse kosmos gevul is met die verskillende wonderbaarlikhede van God se water-aard, is sy teenwoordigheid, lig, liefde, lewe en goedheid, onder andere, ‘n gekonsentreerde volheid soos dit met mening vloei na die bestemming nie. Daar is geen groter krag as dié van water nie – dit sleur alles in sy pad mee. Voorwaar – “U het fontein en stroom oopgeslaan … “ (Ps. 74:15). Uit Sag. 13:1 weet ons hierdie oopgeslaande fontein, soos die ou gesang dit mooi sê: “Jesus, Rots, vir my geslaan …”, is ‘n fontein TEEN sonde en ongeregtigheid. Die natuurlike mens verstaan nie hierdie wonderwerkende waters nie, want dit besit in sy essensie Goddelike en onbesoedelde lewe – dit is ‘n “suiwer rivier” (Op. 22:1). Die sterflike word deur die lewe verslind (2 Kor. 5:4). Die water van die lewe bevat die impetus van “die wet van die Gees van die lewe in Christus Jesus” en dit verslind mettertyd “die wet van die sonde en die dood” (Rom. 8:2), IN MY.
In teenstelling met hierdie lewende waters uit die Geesgedoopte se binneste is daar ook ander riviere wat uit die mens se binneste vloei. Jakobus (3:11) waarsku byvoorbeeld dat ‘n fontein tog nie uit dieselfde oog vars én bitter water kan laat opborrel nie.
Hábakuk 3:9 sê dit poëties so mooi: “Tot riviere splyt U die aarde.” Hierdie “rivers of the earth” (Treasury of Scriptural Knowledge) bring die volgende mee: “You split Earth with rivers.” (MSG). Die CJB-vertaling van Job 28:11 hou dit voor as: “and cuts out galleries in the rock, all the while watching for something of value”. Die DRB stel onverbloemd pragtig soos volg: “In the rocks he hath cut out rivers, and his eye hath seen every precious thing.” Maar dit is veral die LITV wat dit raak vertaal: “He restrains the floods from overflowing; and He brings the hidden thing to light.”
Hierdie “thing” sou bes moontlik jou rimmah-identiteit wees wat geopenbaar word. Net soos die Heilige Gees en die lewende Woord die lieflike rivier van lewe wat uit die koninkryk van God IN jou vloei, tot stand bring, is daar die gees van die wêreld en die woorde van vlees wat die carnal riviere en fonteine uit die vleeslike hart en verstand van gelowiges laat vloei. En uiteraard vloei dit saam na die sea of humanity.
Daar is baie, baie riviere van Babilon (Ps. 137), en ons weet dit het die wesensaard van ons roeping onder beleg geplaas: “also we wept when we remembered Zion. We hung our lyres on the willows in its midst.” (verse 1-2, LITV).
Wat dan presies is die “groot ster wat soos ‘n fakkel brand” wat “uit die hemel geval” het, en wat beteken dit dat die ster “geval (het) op ‘n derde van die riviere en op die waterfonteine”?
- Sela: Wat kan hierdie ster wees?
- Lees: 10-12
- Memoriseer: 10:4 (waarom is hierdie Skrif van belang?)
- Delf dieper: Luister na die cd-lering van Hein Holm getiteld: Don’t Forget Zion when you are in Babylon
