“sin is lawlessness”
(1 Joh 3:4, ASV)
In Mat 7:23 spel Jesus dit onomwonde uit as Hy sommige gelowiges wegstuur: “Gaan weg van My, julle wat die ongeregtigheid werk!” Die ALT vertaal hulle as: “the ones practicing lawlessness”. As deel van hierdie tema van die vals horings van die altaar waaraan gelowiges gebind word in die voorhof, is hierdie miskien een van die wydste probleemareas in die Christelike wêreld.
1 Joh 3:4 (ASV) gee ‘n eenvoudige definisie: “sin is lawlessness”. Onthou nou dat die woordjie “sonde” in Grieks, hamartia, beteken: “om jou merk te mis”, dit wil sê om nie jou skeppingsroeping te volvoer nie. Dus: As jy nie in jou skeppingsdoel loop nie, you will practice lawlessness. Die Griekse woord vir “lawlessness” is anomia. ‘n Omskrywing daarvan in Thayer verduidelik dit só: “the condition of [being] without law, because ignorance of it or because of violating it”. Vine’s Dictionary sê voorts: “This definition of sin sets forth its essential character as the rejection of the law, or will, of God and the substitution of the will of the self.”
In antwoord op ‘n opmerking wat ‘n toehoorder maak: “Salig is hy wat brood eet in die koninkryk van God,” (Luk 14:15) begin Jesus vir hulle te vertel oor die Bruilofsmaal van die Lam en hoe mense genooi is, maar elkeen te besig was met sy eie agenda om dit enigsins te kon maak. Hulle het nie verkeerde goed gaan doen nie, maar was aktief in besigheidstransaksies en familieverpligtinge. Een het die legitieme verskoning gehad dat hy diéselfde tyd as die fees in die huwelik bevestig gaan word, en jy weet, die wittebrood is al lankal gereël en betaal, by wyse van spreke. En as jou pa die naweek begrawe word, het jy mos nou regtig ‘n goeie verskoning, nie waar nie?
Die meeste gelowiges kan deurgaans uitstekende en legitieme verskonings aanbied oor hoekom hulle nie hul skeppingsdoel volvoer nie. Die uitdrukking: Elkeen wat brood eet in die Koninkryk van God, beteken: Elkeen wat wedergebore is, se brood “is om die wil te doen van (God wat jou) gestuur het en om sy werk te volbring” (Joh 4:34), met ander woorde: om die Koninkryk te laat kom. Die noodsaaklike euwels van verantwoordelikheid, die “sorge en rykdom en genietinge van die lewe” (Luk 8:14) kos gelowiges dikwels die Koninkryk. They practice lawlessness.
Wetteloosheid is derhalwe nie noodwendig deelname aan bandelose praktyke nie – dit beteken primêr dat jy nie gehoorsaam is aan dit waarvoor God jou geroep het om te doen, en derhalwe kan die Koninkryk van God kan kom nie. Soos die ou liedjie sê: I don’t know where I’m going, but I’m going.
Dít gaan jou die Koninkryk laat misloop.
- Sela: Maak voor God jou skeppingsdoel uit.
- Lees: 1 Kron 3; Jer 29; 2 Kor 12
- Memoriseer: 2 Kor 12:9
- Vir dieper delf: Lees hfst 3 in John Bevere se boek Under cover.
