“die krag van sy opstanding”
(Fil. 3:10, OAV)
Ons is besig om te ontgin wat die versmelting (“fusion”) van Jesus en sy Bruid beteken en watter geweldige implikasies dit vir die wêreld sal inhou.
Allerweë word aanvaar en gesê dat die wêreld deur allerlei groeiende ekologiese en ander krisisse besig is om tot niet te gaan; daarbenewens is daar wêreldwyd ‘n toenemende korruptheid en geweld, ernstige vergrype en noodtoestande van verskeie soorte. Die mens se gekorrupteerde wesensaard het met die verloor van jare meer geslepe en demonies geword – én ons boosheid het die aarde gewelddadig binnegedring. Nie vreemd nie dat die state of the earth and the world besonder baie lyk soos die toestand op die aarde nét voor die groot vloed. Van daardie tyd berig Gen. 6:11-12 (Ampl) – “The earth was depraved and putrid in God’s sight, and the land was filled with violence (desecration, infringement, outrage, assault, and lust for power). And God looked upon the world and saw how degenerate, debased, and vicious it was, for all humanity had corrupted their way upon the earth and lost their true direction.”
God het profeties belowe dat – soos in die tyd van Noag – die aarde weer een keer van staat sal verander. Nes die “toenmalige wêreld met water oorstroom is en vergaan het” (2 Pet. 3:6), sê God, is “die teenswoordige hemele en die aarde” deur dieselfde woord as ‘n skat weggelê” en word dit “vir die vuur bewaar teen die dag van die oordeel en die verderf van die goddelose mense” (2 Pet. 3:7).
Deur dieselfde woord as ‘n skat weggelê?
Anders as in baie ander gevalle het die Afrikaanse vertaling iets vasgevang uit die oorspronklike wat die meeste ander vertalings ongemerk uitvertaal het. Uit 2 Pet. 3:6 moet ons twee baie belangrike swaartepunte uithef: waarom is dit ‘n skat, en wat het dit met die woord te doen?
Die oorspronklike betekenis van woord hier is logos, met ander woorde uit die totaliteit van die Geheelsegging, Jesus as Logos-woord het die teenwoordige hemele en aarde bewaar vir DIESELFDE tipe reiniging as wat gebeur het in die tyd van Noag (alhoewel dit nie dié keer deur water sal geskied nie – Gen. 9:11 & 15), maar deur vuur (2 Pet. 3:10-13).
Maar nou weet ons uit Heb. 11:3 – “Deur die geloof verstaan ons dat die wêreld deur die woord van God toeberei is …” Die betekenis van woord hier is rhema, met ander woorde dat die wêreld, of eerder: epog (aion), deur die Bruid “toeberei” is, wat in ander vertalings voorgehou word as “fixed” (BBE), “ordeined” (Bishops), “prepared” (ISV) en “fitted together” (Rotherham). Die Amplified vertaal dit verklarend as “framed (fashioned, put in order, and equipped for their intended purpose)”, wat nader is aan die wortelbetekenis van die woord, maar nog steeds nie heeltemal meesprekend met die konteks is nie. Die beste moontlike vertaling van die woordjie “toeberei” (kataritzo) is egter “to mend (what has been broken or rent), to repair, to complete” (Thayer). Dit is dieselfde woordjie wat gebruik word in 1 Kor. 1:10, wat praat van “that ye be perfectly joined together”, of in Gal. 6:1 as “restore”. Dis ook die woordjie wat gebruik word as daar verwys word na Jakobus en Johannes, die seuns van Sebedéüs, wat Jesus gevind het toe hulle besig was om hulle nette heel te maak (Mat. 4:21).
Hierdie woord het ‘n nou semantiese verband met die woordjie apokathistemi, wat beteken: “to restore to its former state” (Thayer), die woord wat voorkom in Mat. 17:11 – “Elias truly shall first come, and restore all things.” Hierdie herstel vind deur die Bruid as rhema-woordvuurvlamme onder leiding van die Hoof, Jesus, met ander woorde, deur die Christus, plaas!
Terug by 2 Pet. 3:5-7 – “Want moedswillig vergeet hulle dat daar van lankal af hemele was en ‘n aarde wat uit water en deur water ontstaan het deur die woord van God, waardeur die toenmalige wêreld met water oorstroom is en vergaan het. Maar die teenswoordige hemele en die aarde is deur dieselfde woord as ‘n skat weggelê en word vir die vuur bewaar …” Albei kere waar in dié perikoop “woord” gebruik word, is dit Logos, met ander woorde: Jesus. Nou volg logieserwyse uit Heb. 11:3 dat die Logos-woord deur sy rhema-woorde die herstel sal bring.
Hierdie herstel sal deur vuur plaasvind, en as skat manifesteer ná die verduring in die vuur. Die woordjie in Grieks vir skat is thesaurizo, wat beteken: “to accumulate riches”. Die wortelwoord daarvan is thesauros, wat beteken: “a treasury or storehouse” (Thayer). Ons ken natuurlik die woord tesourus as betekenende: ‘n spesiale woordeboek waarin verwante woorde volgens groepe ingedeel word J Die “skat” wat vir die transformasie van die hemele en die aarde weggelê is, is die rhema-woorde in die Tesourus van die Logos-woord, Jesus!
[Die woordjie “weggelê” beteken volgens Strong onder andere om deur profesie bewaar gehou te word (lees asseblief Joh. 17:8 en 12, wat albei dui op die bewaring van rhema-woorde).]
Belangrik om te let daarop dat die woordjie thesauros se wortelwoord is tithemi, wat beteken: “to set, fix establish, to set forth, to establish, ordain”. Elke woord het sy eie plek, funksie en outoriteit. Sien hierbo – dit is ook die wortelwoord van apokathistemi, wat beteken: “to restore to its former state”! Dis die funksie van die rhema-vuurwoorde van God se Logos-Tesourus.
God het in Joël 2:1-11 alreeds geprofeteer oor hierdie groepering mense aan die einde van die tye. Lees met siddering oor die vrystelling van sy fusion-power, die krag van sy opstanding (Fil. 3:10) in ‘n groepering mense op aarde gestalte kry (my uitheffing): “Blaas die basuin op Sion, en blaas alarm op my heilige berg! Laat al die inwoners van die land bewe, want die dag van die HERE kom, want hy is naby— ‘n dag van duisternis en donkerheid, ‘n dag van wolke en wolkenag; soos die môreskemering, uitgesprei oor die berge, kom ‘n talryke en magtige volk, wat van oudsher sy gelyke nie gehad het nie en dit hierna ook nie sal hê tot in die jare van die verste geslagte nie. Voor hom uit verteer ‘n vuur, en agter hom brand ‘n vlam; voor hom lyk die land soos die tuin van Eden, en agter hom is dit ‘n woeste wildernis; ook kan niks daaraan ontkom nie. Sy voorkoms is soos dié van perde, en net soos ryperde so hardloop hulle. Soos die gedruis van waens huppel hulle oor die bergtoppe, soos die geknetter van ‘n vuurvlam wat die kaf verteer, soos ‘n magtige volk wat vir die geveg opgestel is. Vir hom bewe die volke van angs, alle aangesigte verbleek. Soos helde hardloop hulle, soos krygsmanne klim hulle op die muur, en elkeen gaan sy eie koers; hulle verander nie van pad nie. En die een druk nie die ander nie; elkeen gaan sy eie pad; en tussen wapens deur val hulle; maar hulle bly in gelid. Hulle oorval die stad, hulle hardloop op die muur, hulle klim in die huise, hulle dring by die vensters in soos ‘n dief. Voor hulle bewe die aarde, sidder die hemel; die son en die maan word swart, en die sterre trek hulle glans in. En die HERE verhef sy stem voor sy leërmag uit; want geweldig groot is sy leër, ja, magtig die uitvoerder van sy woord. Want die dag van die HERE is groot en uitermate vreeslik, en wie kan dit verdra?” Sela.
- Sela: Is jy deel van hierdie geweldige leërmag, die Bruid?
- Lees: 1 Kor. 10-16
- Ondersoek die OT-tipologie: 1 Kor. 10 (dié voorbeeld van tipologie en die werking daarvan).
- Delf dieper: Luister na Tom Gouws se cd-lering: Ses voorwaardes vir die terugkeer van Jesus na
die aarde.
